گوجرہ(مانیٹرنگ ڈیسک )گوجرہ میں نہر سے نوٹوں سے بھری تجوری برآمد ہو گئی جس کو پولیس نے قبضے میں لے کرتحقیقات شروع کردی ہے ۔
نجی نیوز چینل نیو نیوز کے مطابق گوجرہ بائی پاس کے قریب نہر میں نہانے والے لوگوں کو تجوری ملی جس پر انہوں نے فوری طور پر پولیس کو اطلاع دی ۔پولیس نے موقع پر پہنچ کر تجوری کو کھولا تو اس میں سے نوٹ اور چیک بکس برآمد ہوئیں ۔پولیس کا کہنا ہے کہ تجوری کے قریب سے کپڑے بھی ملے ہیں ۔انہوں نے کہاکہ تجوری سے ملنے والی چیک بکس سے مالک کا پتہ لگا یا جائے گا ۔
