سبی : سبی میں مل چوکی کے قریب نامعلوم افراد کی لیویز چوکی پرفائرنگ کے نتیجے میں ایک لیویز اہلکار جاں بحق ہوگیا۔
تفصیلات کے مطابق بلوچستان کےعلاقے سبی میں مل چوکی کے قریب نامعلوم افراد کی لیویز چوکی پر فائرنگ سے لیویزاہلکار جاں بحق ہوگیا، ملزمان حملے کے بعد فرار ہوگئے۔
سیکورٹی فورسز نے علاقے کو گھیرے میں لے کر تحقیقات شروع کردی ہیں اور حملہ آوروں کو گرفتار کرنے کے لیے سرچ آپریشن کیا جا رہا ہے جبکہ جاں بحق اہلکار کی لاش کو سول اسپتال منتقل کردیا گیا ہے۔
خیال رہے کہ تین روز قبل کوئٹہ کے نواحی علاقے سریاب میں پولیس ٹرک کے قریب دھماکے کے نتیجے میں7 پولیس اہلکار شہید جبکہ 22افراد زخمی ہو گئے تھے۔
