**نئی دہلی( مانیٹرنگ ڈیسک) معروف بھارتی کرکٹر ہربھجن سنگھ بالی وڈ اداکارہ گیتا بسرا سے رشتہ ازدواج میں منسلک ہو گئے ہیں۔ تفصیلات کے مطابق 35سالہ سپنر ہربھجن سنگھ گزشتہ تین سال سے بالی وڈ اداکارہ گیتا بسرا سے تعلقات کی بناء پر خبروں میں رہے لیکن بالآخر رشتہ ازدواج میں منسلک ہو گئے ہیں ۔
ہربھجن سنگھ کی شادی کی تقریب بھارتی شہر جالندھر میں منعقد ہوئی جس میں لیجنڈ آل راؤنڈر سیچن ٹنڈولکر کے علاوہ دیگر سیاسی و سماجی شخصیات نے شرکت کر کے ہربھجن سنگھ کو زندگی کی نئی اننگز کی شروعات پر مبارکباد دی اور نئے نویلے جوڑے کیلئے نیک تمناؤں کا اظہار کیا ۔ شادی کے موقعہ پر ہربھجن آف وائیٹ رنگ کی شیروانی میں ملبوس تھے جبکہ ان کی دلہن نے روایتی سرخ لہنگے میں ملبوس تھیں۔
