سلام آباد: وزیراعظم کی کلائمٹ چینج سےمتعلق عالمی رہنماؤں سےخط وخطابت جاری، وزیراعظم عمران خان نے سعودی ولی عہد کےبعدبل گیٹس کوبھی خط لکھ دیا ہے۔
بلین ٹری سونامی منصوبہ وزیراعظم عمران خان کی بڑی ترجیح بن گیا ہے، وزیراعظم عالمی اور ملکی فورم پر بلین ٹری سونامی منصوبے اور کلائمیٹ چینج سے متعلق اظہار خیال کرتے رہتے ہیں۔
وزیراعظم کلائمیٹ چینج سے متعلق عالمی رہنماؤں سےخط وخطابت جاری رکھے ہوئے ہیں، چند روز قبل وزیراعظم عمران خان نے سعودی ولی عہد کو خط لکھا تھا، جس میں انہوں نے سعودی عرب کے’ گرین انیشی ایٹو‘ منصوبے پر خوشی کا اظہار کیا اور’ گرین مڈل ایسٹ انیشی ایٹو‘ کی تعریف کی تھی۔
سعودی ولی عہد سے خط وکتابت کے بعد وزیراعظم عمران خان نے بل گیٹس کوبھی خط لکھا ہے، خط میں وزیراعظم عمران خان نے کلائمیٹ چینج کےخطرات پر کتاب لکھنے پر بل گیٹس کو خراج تحسین کیا۔
خط میں وزیراعظم نے لکھا کہ پاکستان ان ممالک میں شامل ہےجہاں موسمیاتی تبدیلی کےخطرات ہیں، پاکستان کو کلیشیئر پگھلنا،مون سون سمیت کئی طرح کے موسمی خطرات کاسامنا ہے، پاکستان بھی موسمی خطرات سے نمٹنے اور بچاؤ کےاقدامات اٹھارہاہے، آئیں مل کر دنیا کو موسمیاتی تبدیلی کےخطرات سےبچائیں۔
وزیراعظم کی جانب سے بل گیٹس کو لکھے گئے خط میں کہا گیا کہ پاکستان نے بلین ٹری سونامی، نیشنل پارکس،کلین گرین ،ویسٹ مینجمنٹ پروگرام شروع کئے اور اب پاکستان کاربن کی کمی کےلئے متبادل توانائی کے منصوبے شروع کررہا ہے، کلائمنٹ چینج کے لئے پاکستان نے گرین جابز دیں، 10لاکھ ایکڑجنگلات کو محفوظ بنایا۔
وزیراعظم نے خط کے زریعے مائیکرو سافٹ کے بانی بل گیٹس کو مخاطب کرتے ہوئے کہا کہ کلائمیٹ چینج سےمتعلق آپ کی کتاب پاکستان کےبلین ٹری منصوبےکی عکاس ہے، آپ نے کتاب میں جو نشاندہی کی دنیا کو اسےسمجھناچاہئے، کرہ ارض کو موسمیاتی نقصان سے بچانے کےلیے آپ کی کتاب بہترین کاوش ہے۔
اس موقع پر وزیراعظم نے کہا کہ پاکستان موسمیاتی تبدیلی کےخطرات کم کرنےکےلیےتعاون کرنے کو تیار ہے، دنیا کو بھی موسمیاتی خطرات کوبھانپتےہوئےہنگامی اقدامات کرنا ہوں گے کیونکہ نئی نسل کوکلین گرین اور پرفضاماحول فراہم کرنا سب کی ذمہ داری ہے۔
