نئی دہلی: بھارتی وزیراعظم نریندر مودی نے پاکستان کے وزیراعظم نوازشریف کو فون کرکے پاکستان میں آنے والے تباہ کن زلزلے سے متاثر ہونے والے افراد کے لئے ہرممکن مدد کی پیشکش کی ہے۔
پاکستان سمیت جنوبی ایشیا میں آج دوپہر آنے والے تباہ کن زلزلے میں اب تک 216 افراد جاں بحق ہوچکے ہیں سینکڑوں زخمی ہیں اس تباہ کن زلزلے کی شدت ریکٹر اسکیل پر 7.5 ریکارڈ کی گئی ہے۔
وزیراعظم نواز شریف سے گفتگو کرتے ہوئے بھارتی وزیراعظم نریندر مودی نے قیمتی انسانی جانوں کے ضیاع پر افسوس کااظہار کیااور ہر ممکن مدد کی یقین دہانی کرائی۔
