’کچھ عرصہ قبل علیحدگی کے سوال پر عمران خان کاجواب ‘

اسلام آباد(مانیٹرنگ ڈیسک) کچھ عرصہ قبل پاکستان تحریک انصاف کے چیئرمین عمران خان سے ایک انٹرویو کے دوران علیحدگی کی خبروں سے متعلق سوال پوچھاگیاتواُن کاکہناتھاکہ کسی کوکیا پتہ گھر کے اندر کیا ہورہاہے ، سب ٹھیک ہے ۔
دنیا نیوز کی طرف سے روزنامہ پاکستان کے چیف ایڈیٹر مجیب الرحمان اور اینکرپرسن اجمل جامی نے عمران خان سے ایک انٹرویو کیا تھا جس دوران عمران خان اور ریحام خان کی علیحدگی سے متعلق سامنے آنیوالی خبروں پر ان کا موقف جاننے کی کوشش کی گئی توعمران خان کچھ یوں گویاہوئے تھے ’میاں بیوی میں لڑائی ہوتی ہے ، کوئی جنتی ہی ہوگاکہ ایسانہ ہوتاہو، لیکن کچھ لوگ خوش ہوتے ہیں ، لوگوں کو کیا پتہ کہ گھر کے اندر کیا ہے ، سب ٹھیک ہے ‘ ۔ ایک اور پروگرام میں دس ملین ڈالر میں معاملات طے پانے سے متعلق سوال پر عمران خان کاکہناتھاکہ اُنہیں بھی یہ اطلاعات ملی تھیں کہ وہ دیگر سیاستدانوں کی طرح نہیں ، اتنی رقم کا حصول ہی مشکل ہے ۔