لاہور (مانیٹرنگ ڈیسک) لاہور ایئر پورٹ پر کسٹم حکام نے کارروائی کرتے ہوئے گولڈ دبئی سمگل کرنے کی کوشش ناکام بنا دی اور ملزم کوگرفتار کر لیا ۔
چینل 24کے مطابق کسٹم حکام نے لاہور ایئر پورٹ پر دبئی جانے والے مسافر کے سامان کی تلاشی لی جس میں سے وائٹ گولڈ برآمد ہوا ۔ ملزم وائٹ گولڈ کو پاکستان سے دبئی سمگل کرنے کی کوشش کر رہا تھا جس نے پی آئی اے کی پرواز پر دبئی جانا تھا تاہم ملزم کو گرفتار کر لیا گیا ہے ۔
ذرائع کا کہنا ہے کہ عالمی مارکیٹ میں گولڈ کی قیمت کروڑوں میں ہے تاہم ملزم سے تفتیش جاری ہے ۔
