لاہور ، پی آئی اے کی پرواز پر لیزرلائٹ پڑنے سےکھلبلی

لاہور(مانیٹرنگ ڈیسک) لاہور میں رائے ونڈ کی حدود میں پی آئی اے کی پرواز پر لیز لائٹ مارے جانے کا واقعہ پیش آیا ہے جس کے بعد تحقیقات شروع کردی گئی ہیں۔ تفصیلات کے مطابق کراچی سے لاہور آنے والی پی آئی اے کی پرواز 306جب رائے ونڈ کی حدود میں تھی تو اس کے کاک پٹ پر لیزرلائٹ ماری گئی۔ پائلٹ نے فوری طور پر سول ایوی ایشن حکام کو اطلاع دی جس کے بعد کھلبلی مچ گئی تاہم طیارہ دوسو پچاس مسافروں کے ساتھ بخیریت لینڈ کرگیا۔ سول ایوی ایشن حکام کے مطابق واقعہ کی تحقیقات کی جارہی ہیں۔ پولیس بھی تحقیقات میں شامل ہے۔