فلم ’سلطان‘ نے پاکستان میں بزنس کے تمام ریکارڈ توڑدیے

لاہور(مانیٹرنگ ڈیسک) بالی ووڈ اداکار سلمان خان اور انوشکاشرما کی فلم ’سلطان ‘ نے پاکستان میں بزنس کے تمام ریکارڈ توڑ دیئے اورپانچ دنوں میں 15کروڑروپے کمالیے ۔
پاکستان میں سلطان کے ڈسٹری بیوٹر جیوفلمز کے مطابق باکس آفس کے سارے داﺅپیچ کاتوڑ کرتے ہوئے ’سلطان‘ نے ریلیز کے پہلے پانچ دنوں میں 150ملین روپے کمالیے ہیں اور یوں عید پر بہترین کاروبار کا نیا ریکارڈ قائم کردیا۔سلطان نے گزشتہ سال عیدالاضحی کے موقع پر پاکستانی فلم ’جوانی پھرنہیں آنی‘ کا ریکارڈ بھی توڑ دیا۔
دوسری طرف سلطان کی ریلیز بھی ایک ایسے وقت پر ہوئی جب عیدکے سلسلے میں پانچ چھٹیاں تھیں اوراتوار سمیت پہلے پانچ دنوں کے ٹکٹ ایڈوانس میں ہی بک ہوگئے تھے ۔ یہ بھی معلوم ہواہے کہ سلطان نے عید کے پہلے دن 35اور دوسرے دن 41ملین روپے کمائے ہیں ۔