مشکل کی گھڑی میں چین نے پاکستان کے زلزلہ متاثرین کی امدادمیں اضافہ کردی

بیجنگ (مانیٹرنگ ڈیسک) پاکستان اور پڑوسی ممالک میں آنیوالے زلزلے نے سینکڑوں قیمتی جانیں نگل لیں اور ہزاروں لوگ چھت سے محروم ہوگئے لیکن اس مشکل گھڑی میں ایک مرتبہ پھر پاکستان کا مخلص دوست چین میدان میں آگیا اور ایک لاکھ ڈالر امداد کااضافی چیک حکام کے حوالے کردیا۔
چین کی سرکاری خبررساں ایجنسی کے مطابق چین اس مشکل گھڑی میں اپنے دوست پاکستان کو نہیں بھولا ، چینی ریڈکراس نے پاکستان کے زلزلہ متاثرین کی امداد میں ایک لاکھ ڈالر اضافے کا اعلان کردیاہے ۔ اضافی ایک لاکھ ڈالر کے چیک کی حوالگی کی تقریب کے موقع پرپاکستان میں تعینات چینی سفیر کا کہناتھاکہ حکومت اور چینی عوام مشکل کی اس گھڑی میں پاکستانی عوام کیساتھ کھڑے ہیں ، چینی ریڈکریسنٹ وہ واحد ادارہ ہے جس نے پاکستان کیلئے امدادمیں اضافہ کیاہے ۔
یہاں یہ امر بھی قابل ذکر ہے کہ چین کو پاکستان کا سب سے بااعتماد دوست سمجھاجاتاہے اور ہر مشکل وقت میں چینی حکام نے پاکستان کا ساتھ دیا اور پاکستان کے خلاف بات کرنیوالے ممالک کے خلاف ڈٹ گئے ۔