غیرت کے نام پر قتل کیخلاف قانون سازی پر امریکہ کا خیر مقدم

واشنگٹن (مانیٹرنگ ڈیسک) امریکہ نے پاکستان میں غیرت کے نام پر قتل کے خلاف قانون سازی کا خیر مقدم کیا ہے، امریکی محکمہ خارجہ کے ترجمان جان نے اس قانون کو پاکستان میں خواتین کے تحفظ کی جانب اہم قدم قرار دیا ہے۔ واشنگٹن میں میڈیا بریفنگ کے دوران جان کربی کا کہنا تھا کہ پاکستان میں غیرت کے نام پر قتل کے خلاف بل کی منظوری خوش آئند اور خواتین کے تحفظ کی جانب اہم قدم ہے۔اس سے معاشرے میں خواتین کی بھرپور شرکت کو فروغ ملے گا،ان اقدامات پر پاکستان کی بھرپور حمایت جاری رکھیں گے۔میڈیا بریفنگ کے دوران جان کربی نے مزید کہا کہ کشمیر کے معاملے پر پاکستان اور بھارت بات چیت کریں، سرجیکل اسٹرائیک ہوئی یا نہیں اس بارے میں بھارتی حکام ہی بتا سکتے ہیں، امریکہ دونوں ممالک کے درمیان کشیدگی کا خاتمہ چاہتا ہے۔