تفصیلات کے مطابق صومالیہ کے دارالحکومت موغادیشو کی مصروف شاہراہ پرٹرک بم دھماکے میں ہلاکتوں کی تعداد بڑھتے ہوئے358 تک پہنچ گئی ہےجبکہ 300 سے زائد افراد زخمی ہیں۔
صومالیہ کی حکومت نے دھماکے کا الزام دہشت گرد تنظیم الشباب پر لگاتے ہوئے اسے قومی سانحہ قرار دیا ہے تاہم الشبات کی جانب سے اس دھماکے کے متعلق کوئی بیان سامنے نہیں آیا۔
پولیس حکام کا کہنا ہے ہلاکتوں کی تعداد میں اضافے کا خدشہ ظاہر کرتے ہوئے کہا ہے کہ 300 سے زائد زخمی ہونے والے افراد میں سے متعدد کی حالت تشویش ناک ہے۔
صومالیہ کے صدر نے ملک میں تین دن کے سوگ کا اعلان کیا ہے جبکہ جائے وقوعہ پر امدادی کارروائیاں جاری ہیں۔
دوسری جانب عینی شاہدین کا کہنا ہے کہ دھماکے کے بعد علاقے میں دھواں چھا گیا جس کو پورے شہر میں دیکھا جاسکتا ہے جبکہ قریبی ہوٹل کو شدید نقصان پہنچا اور مصروف شاہراہ پر تباہی کے نشانات پڑگئے۔
