ایسا بھی ہوتاہے، چین میں برقی سیڑھیاں الٹی چل پڑیں،کئی افراد زخمی

بیجنگ(مانیٹرنگ ڈیسک) چین میں ایک شاپنگ مال میں اس وقت ہنگامہ مچ گیا جب وہاں شہریوں کی سہولت کے لئے لگے برقی زینے الٹے چل پڑے۔میڈیا رپورٹس کے مطابق صوبہ جیانگ میں ایک مصروف ترین شاپنگ مال میں لوگ اوپر جانے کے لئے برقی زینوں کا استعمال کررہے تھے کہ وہ اچانک الٹے چل پڑے اور اوپر کی جانب جانے کے بجائے نیچے کی طرف آنے لگے، اچانک صورتحال کی تبدیلی پر لوگوں میں کھلبلی مچ گئی ، واقعہ میں کئی افراد زخمی بھی ہوگئے۔ شاپنگ مال انتظامیہ نے فوری طور پر زینوں کو بند کردیا، واقعہ کی تحقیقات بھی شروع کردی گئی ہیں۔